"Prius" bu göstəriciyə görə birinci oldu

Ölkəmizdə Toyotanın ən geniş yayılmış modellərindən olan Priusa münasibət yumşaq desək yaxşı deyil. Bunun səbəblərini yazaraq uzunçuluğa yol vermək istəməzdim (bir haşiyə çıxım ki, bu sözlər yapon istehsalçıya qarşı qərəz və ya qaralama kimi başa düşülməməlidir).

Avtosfer.az xəbər verir ki,  ABŞ-nin Enerji səmərəliliyi və Qənaət Şurası 1200 avtomobil modelinin səmərəliliyini araşdırıb. Enerji qənaəti baxımdan isə ilk yerə Prius layiq görülüb.  Bu model 100 mümkün baldan 71-ni toplayıb.
Şura apardığı sınaqlardan belə qənaətə gəlib ki, ekoloji baxımdan ən sərfəli modellər doldurulabilən hibridlərdir. Onların istehsalı da elektromobilə nisbətdə daha asan başa gəlir. 20 min km illik yürüş zamanı Prius ABŞ qiymətləri ilə 529 dollarlıq yanacaq sərf edir. 
Bəs Priusun sirri nədədir?
Şuranın mütəxəssislərinin fikrincə avtomobilin batareyasının tutumu məntiqli həcmdədir. ən əsası isə hibrid sistemi yaxşı qurulduğu üçün Prius sürücülərinin nə vaxtaşırı yanacaq doldurmağa, nə də tez-tez batareya doldurmağa ehtiyacı olmur.

Vüqar