Qatarda səs-küy salan yeniyetmələr belə cəzalandırıldı

Hadisə bir neçə il əvvəl İspaniyada baş verib.

Avtosfer.az xəbər verir ki, yüksək sürətli qatarla səfər edən yeniyetmələr digər sərnişinləri narahat ediblər. Xidmət personalının onları sakitləşdirmək cəhdi nəticə vermədiyi üçün qatar nəzərdə tutulmayan stansiyada dayanıb və gənclər polisə təhvil verilib. Qatar 23 dəqiqə gecikib.

Bu hadisəyə görə sərnişinlərə 7700 avro təzminat ödənilib. Bu günlərdə isə məhkəmə işə yekun vuraraq şirkətin sərnişinlərə ödədiyi təzminatı gənclərin üzərinə qoyub. Onların hər biri 700 avro cərimə ödəməlidir.

PS. Bu xəbər bəlkə də Azərbaycan oxucusuna lazım olmaya bilər. Amma nəzərə alaq ki, ölkəmizdə hər ay yeniyetmələrin qatarlara daş atması, inventara zərər yetirməsi xəbərləri yayılır. Bunlara qarşı da İspaniyadakı kimi tədbirin görülməsi dəmir yollarına vurulan ziyanı minimuma endirər.

Vüqar