Qlobal avtomobil istehsalı: oyunçular dəyişir

2024-cü ildə dünyada təxminən 93,5 milyon ədəd avtomobil istehsal olunub. 

Avtosfer.az xəbər verir ki, ilkin statistikanı Beynəlxalq Avtomobil İstehsalçıları Assosiasiyası açıqlayıb. Statistikadan görünür ki, artıq Asiya ölkələri ənənəvi avtomobil istehsalçılarını qabaqlayıb. İstehsal həcminə görə avtomobilin vətəni olan Almaniya 6-cı, Fransa isə 10-cu mövqedə qərarlaşır. 

Artıq bir neçə ildir ardıcıl olar Çin istehsal və ixrac həcminə görə dünyada birinciliyini qoruyub-saxlayır. 2024-cü ildə istehsal olunmuş avtomobillərin 32,6 faizi bu ölənin payında düşür. Növbəti yerdə 11,3 faizlə ABŞ, 9,6 faizlə Yaponiya, 6,3 faizlə Hindistan və 4,5 faizlə Cənubi Koreya dayanır. 

Avtomobilin tarixi vətəni olan Almaniya 4,4 faizlə siyashıda 6-cı yerdə qərarlaşıb. Avtomobil sənayesinin həyata vəsiqə aldığı Fransa isə cəmi 1,6 faizlə ilk onluğu tamamlayır. 

2024-cü ilin dəqiq hesabatı yaxın həftələrdə bəlli olacaq. Növbəti statistikada nəqliyyat vasitələrinin tiplərinə görə də təsnifatı aparılacaq.

Vüqar Yaşaroğlu