Rusiyada avtomobil ustaları kompüter diaqnostikasından məhrum oldu

Sanksiyalara Rusiyada daha bir proqram təminatı dayandırılır.
Avtosfer.az xəbər verir ki, 25 sentyabrdan etibarən Federasiya ərazisindən Autodata Online (Solera) diaqnostik sisteminə giriş tam bloklanacaq. Eyni qayda onlayn rejimdə işləyən TEXA diaqnostik skanerinə də aiddir.
Avtoservislər İttifaqı bildirir ki, çıxış yolu olaraq diaqnostika avadanlıqları internetdən ayrılmalıdır. Əks halda ilk girişdə proqram təminatı bloklanacaq. 
Servislər internetdən ayrılmaq yolu ilə proqramı işlətməyə çalışsalar da, bu, müvəqqətidir. Çünki yenilənmə olmadığı təqdirdə proqram bir müddət sonra mnormal işləməyəcək.
Qeyd edək ki, bir müddət əvvəl Avropanın yük avtomobilləri üçün nəzərdə tutulan Jaltest Diagnostics proqramına da Rusiyadan giriş bloklanıb.

Vüqar