Rusiyada fara qıtlığı: Azərbaycana təsiri ola bilərmi? - FOTO

Rusiyada ən kütləvi avtomobillərdən birinin sürücüləri qəribə problemlə qarşılaşıblar. 

Avtosfer.az xəbər verir ki, 2022-ci ilədək istehsal edilmiş Lada Granta modelləri üçün bütün faralar satılıb qurtarıb. Söhbət həm təzə, həm də işlənmiş faralardan gedir. Sığorta şirkətləri və dilerlər avtomobil sahiblərinə bildirirlər ki, detalı özləri tapmalıdır.  

Problemin kökündə yenə də sanksiyalar dayanır. Bu faralar Fransa istehsalı olduğu üçün onları başqa ölkə, məsələn, Azərbaycan və ya Qazaxıstan (söhbət Rusiya ilə sərhədi olan və bu ölkə ilə normal münasibətləri olan dövlətlərdən gedir – müəl.) vasitəsi ilə sifariş etmək, ya da birbaşa bu ölkələrdən almaq mümkündür. Bunu da reallaşdırmaq uzun prosedurdur, çünki hər Granta sahibinin sözügedən ölkələrdə tanışı yoxdur. 

Bu məsələdə bir maraqlı sual da ortaya çıxır: belə bir vəziyyətdə Azərbaycana idxal edilmiş Granta faraları geriyə - Rusiyaya daşınmayacaqmı?

Vüqar