Rusiyada yeni “Wey 05” krossoveri nə vaxt satışa çıxarılacaq?

Yeni “Wey 05” krossoveri Rusiya bazarında nə vaxt satışa çıxarılacağı məlum olub.

Avtosfer.az xəbər verir ki, yeni model 2024-cü ilin fevralında satışa çıxarılacaq.

Avtomobil Rusiya bazarında “Wey” brendi xəttində birinci hibrid avtomobili olacaq. Krossover şəbəkədən doldurulma qabiliyyətinə malik “plug-in” hibrid güc aqreqatı (PHEV), həmçinin sinxron elektrik mühərrikləri alıb. “Wey 05” salonunda baş üstü displey və elektron alətlər toplusu var. Klimat nəzarət sistemi toxunma əks əlaqəsi olan sensor displey vasitəsilə idarə olunur. Premium səs sistemi 12 dinamiklə təchiz olunub və bundan əlavə, krossoverdə aktiv səs-küyün azaldılması sistemi də var.

Qeyd edək ki, Rusiya bazarı üçün “Wey 05” modeli haqqında bütün məlumatlar satışın başlanmasına yaxın dərc olunacaq.

Məhəbbət Tərlanoğlu