Sağ sükanlı avtomobillərə qadağa - FOTO

Qazaxıstan hökuməti ölkə ərazisinə ikinci əl sağ sükanlı avtomobillərin gətirilməsini qadağan edib.

Avtosfer.az xəbər verir ki, polis bu tip avtomobilləri sənədləşdirməyəcəyini bildirib.
əslində sağ sükanlı avtomobillərlə bağlı qadağa 2007-ci ildən mövcud olub. Amma işbazlar bu maşınları ehtiyat hissə və ya “konstruktor” kimi rəsmiləşdirərək gətirə bilirdilər. İndi bu yol da bağlanıb. 
Ekspertlərin fikrincə yeni qərar ikinci əl detalların qiymətinin artmasına səbəb  olacaq. Belə ki bu maşınların böyük qismi ehtiyat hissəsi üçün sökülürdü. Üstəgəl, ucuz olduğu üçün tələb də çox idi. 
Hazırda Qazaxıstanın 4,5 milyonluq avtomobil parkının 200 min ədədini sağ sükanlı maşınlar təşkil edir. 
Dilerlərlə gəlincə, onlar sağ sükanlı avtomobil idxal etmirlər.

Vüqar