Sağ sükanlı Jiquli : Əfsanə, yoxsa standart?

Sovet dövründə ixrac olunmuş Jiqulilər barədə çox əfsanə dolaşır. Bu gün isə biz əfsanədən deyil, reallıqdan danışacağıq. 

Avtosfer.az xəbər verir ki, 70-ci illərin sonlarında Lada (Jiqulinin ixrac adı) kütləvi şəkildə Qərbə ixrac olunmağa başladı. Britaniyaya ixracda isə çətinlik yarandı. Avropadan fərqli olaraq burada hərəkət soltərəfli idi. Lakin problemdən çıxış yolu vardı.

Sovet mühəndisləri sükanı sağda olan avtomobillər layihələndirməyə başladılar. Bununla Ladanın Britaniya və onun keçmiş müstəmləkələrinə ixracında problem aradan qalxdı. 
Texniki olaraq sağ sükanlı Lada ilə sol sükanlı Jiqulinin ciddi fərqi yoxdur. Mühərrik və transmissiya tamamilə eynidir. Yalnız şüşəsilənlər, tormoz rezervuarları və digər xırda detallar fərqlidir. Bu maşınların heç biri hansısa qarajda uyğunlaşdırılmış “perekidka” deyil, zavod məhsuludur. Ən əsası isə, ixrac modelləri daha keyfiyyətli hazırlanıb, satışdan əvvəl ciddi yoxlamadan keçib. 

SSRİ-nin süqutu ilə rus maşınlarının ixracı dayandı. Bu dəfə isə ruslar həmin avtomobilləri kütləvi şəkildə alaraq vətənə qaytardılar. O maşınlardan biri də fotoda gördüyünüzdür.

Vüqar