Sərnişinlər avtobus sürücülərinə qiymət verə biləcək - Moskvada

Moskvada 5 minə yaxın avtobusa nəqliyyatın fəaliyyətini qiymətləndirmək üçün QR kodları olan xüsusi stikerlər yapışdırılıb.  

Avtosfer.az xəbər verir ki, stikerlər avtobusun içərisində sürücü salonu və saxlama yerinin yaxınlığında yerləşdirilib. QR kodundan istifadə etməklə sərnişin nəqliyyatın fəaliyyəti ilə bağlı rəy bildirə, minnətdarlığını bildirə və sürücüyə qiymət verə bilər. Bunu etmək üçün smartfonun kamerasını stikerə yönəltmək kifayətdir. 

Beləliklə, stikerlər vasitəsilə sərnişinlər yerüstü şəhər nəqliyyatının fəaliyyətini qiymətləndirə bilərlər. 

Qeyd edək ki, yazın sonuna qədər bütün avtobuslarda belə stikerlərin yapışdırılması planlaşdırılır.  

Məhəbbət Tərlanoğlu