Sürücü intizamsızlığı ilə beynəlxalq mübarizə

Avropa İttifaqında nəhayət sürücülərin başqa ölkədə qayda pozması zamanı yaranan məsuliyyətə aydınlıq gətirilib.

Avtosfer.az xəbər verir ki, Avropa poarlamenti sürücülük vəsiqəsinə tətbiq edilən məhdudiyyətlərin bütün ittifaq üzrə keçərli olduğuna qərar verib. Layihə 372 lehinə, 220 əleyhinə olmaqla qəbul edilib.

əvvəllər Aİ vətəndaşı digər Avropa ölkəsində kobud qayda pozduğu hallarda da sürücülük vəsiqəsi ləğv edilə bilərdi. Lakin bu məhdudiyyət sürücüyə yalnız qayda pozduğu ölkədə maşın sürməyi qadağan edirdi. Qayda pozan şəxs vətənə qayıdaraq sürücülük vəsiqəsini bərpa etdirərək işinə davam edirdi. İndi isə bu qayda tarixə qovuşub.

Bu qaydanın tətbiqi ilə ittifaqın digər  ölkələrində qayda pozan avropalıların cəzadan yayınması imkanı minimuma enəcək. Yeni qaydanın qüvvəyə minmə vaxtı iyulda məlum olacaq.

Vüqar