"Tesla" alan isveçlilər nömrə ala bilmir

Skandinaviya ölkələri Tesla üçün problem yaratmaqda davam edir. 

Avtosfer.az xəbər verir ki, Teslanın tətil edən əməkdaşlarına poçt işçiləri də qoşulublar. Onlar Tesla ilə bağlı məktub və bağlamaları çatdırmaqdan imtina edirlər. 

Məktub məsələsini elektron poçt vasitəsi ilə həll edən Teslanı indi başqa məsələ düşündürür. Dekabrın 1-dən etibarən Tesla alan isveçlilər avtomobili rəsmiləşdirə bilmirlər. Çünki bu ölkədə nömrə nişanları yeni avtomobil sahibinə yalnız poçtla göndərilir. Bu səbəbdən ölkədə noyabrda 858 elektromobil satmış şirkətin bu ay ciddi geriləmə ilə üzləşməsi qaçınılmazdır. 
İlon Mask isə hələ ki geri addım atmaq fikrində deyil.

Vüqar