“Tesla” sahibləri üçün yenilik: enerji dolduran zaman əlavə ödəniş tutulacaq

“Tesla” özünün enerji doldurma məntəqələrində elektromobil sahiblərindən alacağı yeni komissiya növü təqdim edib. Bu barədə Mashable məlumat yayıb.

Avtomobil sahibi elektrik avtomobilinin akkumulyatorunu 90 faizdən çox doldurubsa, “Supercharger Haqqları” tutulacaq. “Tesla” bildirib ki, bu tədbir enerji doldurma məntəqələrində növbələri azaldacaq.

“Tesla”nın dəstək səhifəsində elektrik avtomobilinin akkumulyatoru 90 faizdən yuxarı doldurulduqdan sonra ödənişin tutulacağına aydınlıq gətirilir. İstifadəçi tətbiqdə bu barədə bildiriş alacaq, sonra stansiyanı boşaltmaq üçün beş dəqiqə vaxtı olacaq. Əks halda, “Tesla” hər əlavə şarj dəqiqəsi üçün bir dollar rüsum tələb edəcək.

Şirkət bildirir ki, bu rüsum sürücüləri stansiyadan 100 faiz deyil, səyahət üçün lazım olan qədər enerji almağa təşviq edir.

Fərid