Tesla ucuz avtomobillər istehsal etmək fikrini dəyişdi

Amerikalı avtomobil istehsalçısı “Tesla” Çin şirkətləri ilə yüksək rəqabət səbəbindən əvvəllər elan edilmiş yığcam, ucuz giriş səviyyəli elektrik avtomobili buraxmaq niyyətindən imtina edib

Avtosfer.az xəbər verirki, “Tesla” kompakt avtomobil platformasında pilotsuz taksi hazırlamağa davam edəcək. Bu qərar “Tesla”nın uzun müddətdir ki, şirkətin qurucusu Elon Musk tərəfindən tez-tez bəyan edilən kütlələr üçün əlverişli elektrik avtomobili yaratmaq məqsədini dəyişdirir.

Gözlənilirdi ki, “Tesla”nın büdcəli elektrik avtomobili 25 min dollara satılacaq.

Qeyd edək ki, planların dəyişdirilməsi 10 min dollara  kütləvi istehsal olunan elektrik avtomobilləri təklif edən Çin şirkətləri ilə şiddətli rəqabət fonunda baş verib.

Məhəbbət Tərlanoğlu