“Tesla”dan parkinq probleminə radikal həll

Avtomobil istehsalçısı “Tesla” park problemini həll etmək üçün avtomobildə sensorlardan istifadə edəcək.

Avtosfer.az xəbər verir ki, şirkət tərəfindən yayılan ən son proqram yeniləməsində sürücülərə parklama manevrlərində kömək etmək üçün yenilik təklif edilib.

“Tesla” tərəfindən "yüksək keyfiyyətli parkinq köməkçisi" adlandırılan funksiya parkinqdə yeni texnologiyanı təmsil edir. Belə ki, “2D” görünüş ekranı avtomobilin ətrafını göstərəcək “3D” modeli ilə əvəz edilib. Şirkət avtomobilin ətrafa baxış kameralarından alınan məlumatlardan istifadə edəcək.

Qeyd edək ki, digər avtomobil istehsalçıları ümumiyyətlə dayanacaq köməkçilərində sabit kamera əsaslı üst görünüşlərə üstünlük verirlər. “Tesla”nın yeni sistemi obyektlərin formalarını və məsafələrini dinamik olaraq qiymətləndirəcək. Bu, paralel və perpendikulyar parkinq üçün yerləşdirilmiş xətlərin aydın görünməsinə imkan verəcək.

Məhəbbət Tərlanoğlu