“Tesla”nın birinci rüb gəliri azalır: yeni hesabat təqdim olundu

“Tesla” 2024-cü ilin birinci rübü üçün maliyyə hesabatını dərc edib.

Avtosfer.az xəbər verir ki, şirkətin hesabatında gəlir, mənfəət və əməliyyat marjalarında azalma olduğu müşahidə olunur.

Belə ki, elektrikli avtomobil istehsalçısı ardıcıl 18 rüb ərzində gəlirlilik nümayiş etdirməyi bacarıb. Lakin onun dividendləri və gəlirləri gözləntilərdən aşağı düşüb. Ötən il “Model 3” və “Model Y” üçün tətbiq edilən sürətli qiymət endirimləri və bu il edilən qiymət dəyişiklikləri “Tesla”nın maliyyə nəticələrinə mənfi təsir göstərib.

Şirkətin ümumi gəliri 2024-cü ilin birinci rübündə 9 faiz azalaraq 21,3 milyard dollar olub. Gəlirdəki bu azalma, orta avtomobil satış qiymətlərinin aşağı düşməsi, “Model 3” istehsalında fasilələr və müxtəlif amillərlə tədarüklərin dayandırılması kimi səbəblərlə əlaqələndirilə bilər.

Məhəbbət Tərlanoğlu