“Tesla”nın bu avtomobil modeli suda üzə biləcək - FOTO

“Tesla” şirkətinin CEO-su Elon Musk, “Cybertruck” avtomobil modelinin həm suda, həm də quruda hərəkət edə biləcəyini açıqlayıb.

Avtosfer.az xəbər verir ki, “Boat Mode”(Qayıq rejimi) adlı yeni funksiya sayəsində model suda müəyyən qədər məsafə qət edə bilər.

Açıqlamaya görə yeni rejim hazırda inkişaf mərhələsindədir. Həmçinin suyun kabinəyə daxil olmasına mane olmaq üçün qabaqcıl qapı möhürlərindən istifadə olunacaq.

“Cybertruck”a gələn daha bir innovativ xüsusiyyət “Wade Mode”dur. Bu xüsusiyyət avtomobilin asma sistemindən istifadə edərək pikapı qaldıracaq. Sudan keçərkən batareyaya aktiv təzyiq göstərəcək. Təzyiqli batareya suyun elektrik hissələrinə nüfuz etməsinin və zədələnməsinin qarşısını alacaq.

Qeyd edək ki, bəzi elektromobillər su üzərində getmək qabiliyyətinə malikdir, lakin bunun üçün klassik metal texnikalarından istifadə edirlər. “Tesla”nın təzyiqə əsaslanan yanaşması batareyanı qoruyur. Bu xüsusilə yolsuzluq avtomobillərinin elektrikləşdirilməsində mühüm rol oynaya bilər. 

Məhəbbət Tərlanoğlu