“Toyota”dan yeni kompakt yolsuzluq avtomobili - FOTO

Yaponiyanın “Toyota” şirkəti bu ilin payızında kompakt yolsuzluq avtomobili (SUV) “Land Cruiser FJ” modelini təqdim edəcək.
Avtosfer.az “carscoops”a istinadən xəbər verir ki, “Land Cruiser FJ” “Corolla Cross”dan bir qədər böyük, “RAV4”dən isə kiçik olacaq. 
Avtomobilin uzunluğu 4500 mm, təkər bazası isə 2750 mm-dir və “IMV 0” platformasında hazırlanacaq.
Bildirilir ki, daxili bazarda “Land Cruiser FJ”nin 160 at gücü hasil edən 2,7 litrlik mühərriklə təklif ediləcək. Mühərrik altı pilləli avtomatik transmissiya və tam ötürücü sistemlə işləyəcək.
Bundan əlavə, model digər bazarlarda, o cümlədən ABŞ-da da satışa çıxarılacaq.

Namiq Musayev