Ustadan çıxdım, tormoz tutmadı – SƏBƏB

Belə halla təcrübəsiz sürücülər rastlaşa bilər. Xüsusən də naşı usta əlinə düşdükdə. 
Tormoz qəliblərini dəyişdirdikdən sonra servisin qapısı ilə toqquşan maşınlar az olmayıb. Səbəb də sadədir: qəlib dəyişməsi üçün supportlar geriyə itələnir. Bu səbəbdən ilk pedala basdıqda sistemdə təzyiq olmur. Lakin bunu avtomobili yerindən tərpətmədən aradan qaldırmaq olar: sadəcə olaraq tormoz pedalını bir neçə dəfə basıb buraxmaq lazımdır. 

Qəlibləri dəyişdikdən sonra tormoz məsafəsi artdığı üçün ilk bir neçə gün ehtiyatlı olmaq lazımdır. Qəliblər yeyilib barabanla eyniləşdikdən sonra hər şey düzələcək. Bu da təxminən 200 kilometr çəkir.

Vüqar