“Volkswagen” 700 km-dən çox məsafə qət edə bilən yeni elektrik krossoveri buraxacaq

“Volkswagen” tam elektrik güc aqreqatı ilə yeni subkompakt krossover buraxmağa hazırlaşır.

Avtosfer.az xəbər verir ki, şirkət 2023-cü ilin sentyabrında təqdim edilən “Volkswagen ID.2all” adlı konseptual elektrik avtomobili əsasında qurulacaq.

Yeni “Volkswagen ID.2all SUV” elektrik krossoverinin istehsal versiyasının 2026-cı ildə satışa çıxarılacağı gözlənilir. O, ənənəvi daxiliyanma mühərriki ilə kompakt “Volkswagen T-Cross”a alternativ olacaq.

“Volkswagen ID.2all SUV” “ID.4” və “ID.5”dən sonra Volkswagen brendi altında üçüncü tam elektrik krossoveri olacaq. İstehsalçı artıq yeni məhsulu tizer-şəkildə nümayiş etdirib.

Yeni model “Volkswagen” tərəfindən hazırlanan “MEB” giriş platformasında qurulacaq. Avtomobillər 38 və 58 kVt/saat tutumlu akkumulyatorlarla təchiz olunacaq və bir dəfə doldurulmaqla 772 kilometrə qədər məsafə qət edə biləcək.

Məhəbbət Tərlanoğlu