“Volkswagen” Rusiyadakı daha iki törəmə şirkətini satdı

Novosibirskdən olan “TsK ASC” bank qrupu əvvəllər “Volkswagen Financial Services AG”yə məxsus olan “Volkswagen Group Finanz MMC”ni alıb.

Avtosfer.az xəbər verir ki, eyni sövdələşməyə əsasən, “Volkswagen”in törəmə faktorinq şirkəti “FVFU RUS MMC” “SC MK”ya verilib.

Hər iki mülkiyyət köçürməsi 2024-cü il yanvarın sonunda qeydə alınıb.

Rusiyada “Volkswagen Group Finanz” alman avtomobil istehsalçısı üçün lizinq operatoru kimi fəaliyyət göstərirdi. Şirkətin saytındakı cari məlumatlar göstərir ki, o, lizinqlə yanaşı, avtomobillərin kreditləşdirilməsi və faktorinq xidmətləri göstərib.

Məhəbbət Tərlanoğlu