"VW" hələ yeni batareya zavodu haqqında qərar verməyəcək

Volkswagen Qrupu Avropada elektriklə işləyən avtomobillərə tələbatın gözləniləndən aşağı olması səbəbindən dördüncü akkumulyator zavodu ilə bağlı qərar verməyəcək.

VW-nin baş direktoru Oliver Blume Avropada elektrik modellərinə tələbatın azalması və yaxın günlərdə tam elektrik avtomobil bazarının daralması səbəbindən dördüncü akkumulyator fabrikinin həyata keçirilməsinin ağılsız olduğunu bildirib.

Oliver Blume: “Avropada tam elektrik avtomobil bazarının ləng böyüməsini və bəzi bazar şərtlərini nəzərə alsaq, hələlik başqa akkumulyator zavodu tikməyin mənası yoxdur”. deyib.

Blume, zamanı gəldiyində istehsal ediləcək batareya istehsal müəssisəsinin Şərqi Avropada yerləşəcəyini də ifadə etdi. VW-nin dördüncü akkumulyator istehsalı müəssisəsinin Çexiya, Macarıstan, Polşa və ya Slovakiya kimi bölgələrdə tikiləcəyi açıqlandı. Ancaq bu açıqlamadan sonra alman nəhəngi tələsik qərar verməyəcəklərini açıqlayıb.

Volkswagen Qrupu elektrikli avtomobil akkumulyatorları üçün gigafabrika axtarır, lakin Avropada elektrikli avtomobillərə tələbatın gözləntiləri qarşılamaması yeni bir obyektin qurulması üçün tələb olunan investisiya təzyiqini azaldıb. Şirkət keçən il Avropada öz elektrikli avtomobil sifarişlərinin 300.000-dən 150.000-ə düşdüyünü açıqlayıb.

Çexiya xüsusilə avtomobil sənayesinin gələcəyini təmin etmək üçün bu obyektin yaradılmasını istəyir. Lakin VW Group-un qərarı əlavə obyektin yaradılmasının hələlik məqsədəuyğun olmadığını göstərir. Blume bildirib ki, hazırkı bazar şərtləri və Avropada BEV bazarının zəif performansı hələlik əlavə istehsal müəssisəsinin açılmasına mane olur.

profil.az