Yarım əsrə ərsəyə gələn dünyanın ən uzun tuneli - FOTO

Dəmir yolu nəqliyyatı ərsəyə gələndən mühəndislər yoxuş və enişlərdən yan keçmək üçün sonsuz sayda tunel hazırlayıblar. 

Avtosfer.az xəbər verir ki, tunellərin hazırlanması böyük xərc tələb etsə də, iqtisadi səmərəsi böyükdür. 1962-ci ildə müzakirələri başlayan Qotard tunelinə İsveçrə xalqı 1992-ci il referendumunda razılıq verdi. Növbəti ildə tikintiyə start verilsə də, tunellərin qazılması 2011-ci ildə başa çatdı. 2016-cı ilin dekabrında rəsmi mərasimlə tunel kommersiya istifadəsinə açıldı. 

Uzunluğu 57 kilometri ötən Qotard tuneli dünyada ən uzun dəmir yolu tuneli hesab edilir. Sonradan yüksək sürətli qatarların işə salınması nəticəsində Sürixdən Milana səfər müddəti 2 saat 40 dəqiqəyə (əvvəllər 6 saatdan çox) endi.

Təxminən 13 milyard dollara başa gələn tikili həm də nəqliyyatın ətraf mühitə zərərini mimimuma endirdi. Səbəb qatarların yolunun ciddi şəkildə qısalmasıdır.

Vüqar