Prezident yol polislərinə "Gelandewagen" verdi - VİDEO

33 ədəd “Haval F7” krossoveri və iki ədəd “Mercedes-AMG G63” yolsuzluq avtomobili Çeçenistan Muxtar Respublikasının regional Daxili İşlər Nazirliyinin yol polisi əməkdaşlarına təhvil verilib.

Avtosfer.az xəbər verir ki, bu barədə Çeçenistanın rəhbəri Ramzan Kadırov özünün “Telegram” kanalında video yayımlayıb.

Yol polisləri üçün Çin avtomobilləri “Təhlükəsiz və Keyfiyyətli Yollar” milli layihəsinin proqramı çərçivəsində alınıb. Alman avtomobilləri isə Rusiya Qəhrəmanı Ahmat Kadırov adına regional ictimai fond tərəfindən alınaraq yol polislərinə təhvil verilib.

Xatırladaq ki, “Mercedes-AMG G63” yolsuzluq avtomobilləri hazırda Rusiyada rəsmi olaraq satılmır. Buna görə də Almaniya istehsalı olan avtomobillərin qiyməti Çin istehsalı olan “Haval F7” maşınlarından 15 dəfə bahadır.

Məhəbbət Tərlanoğlu