Bakıda «pikap» «Priora»nı qaldırıb göyə çırpdı yerə - VİDEO

Bakıda daha bir yol qəzası baş verib. Avtosfer.az-ın məlumatına görə, təhlükəsizlik kameralarının yaddaşına düşən qəza görüntüsündən aydın olur ki, taksi fəaliyyəti ilə məşğul olan «Lada-Priora» markalı avtomobilin sürücüsü qəflətən maşını sağa çəkir. Bu zaman deyəsən, sürücü ya yatıb, ya da sağa-sola baxmadan hərəkət edir. Nəticədə sağ zolaqla hərəkət edən «Mitsubishi» markalı avtomobil «Priora»nı vurur. «Pikap» «Priora»nı əvvəlcə yanı üstə aşırır, sonra isə havaya qaldırıb yerə çırpır. «Pikap» sürücüsü qəzadan yayınmaq üçün maşını səkiyə çıxarsa da, «Priora» onu sıxdığı üçün qəza qaçılmaz olur.

Hər halda, bu videoya gözüyumulu da baxdıqda günahın hansı sürücüdə olduğunu bilmək olar. Görəsən, «Priora»nın sürücüsü nə etmək istəyirdi?

Elmin