Harada ötmə qadağandırsa orada ötürlər – Bizim "ağıllı" sürücülər - VİDEO

Hər bir olduğu kimi, bu il də Azərbaycanda yay aylarında baş verən qəzaların əksəriyyəti ötmə-manevr qaydalarının pozulması ilə bağlıdır. Bunu Avtosfer.az-ın apardığı araşdırmalar və müşahidələr də təsdiq edir. Daha bir təsdiq isə təqdim etdiyimiz videodur.

Göründüyü kimi, ötməni qadağan edən nişanın təsir zonasında ötmə əməliyyatı aparan, qarşıdan gələn ağır tonnajlı yük maşınlarına əhəmiyyət verməyən və təfəkkür problemi yaşayan sürücülərimiz var. Buyurun, diqqətlə baxın. Görün ki, hər gün yük maşınlarının altında qalıb parça-parça olan, bir anda 5-6 nəfərin həyatına son qoyan, kimlərinsə həyatını puç edən nə qədər məsuliyyətsiz insanlar var. Maraqlıdır ki, özlərini sürücü hesab edən bu insanlar məhz ötməni qadağan edən nişanın təsir zonasına çatanda ötmə əməliyyatı aparırlar. Bu adamların nəsə ciddi problemi var. Tibdə, loru dildə bunların hər birinin adı var. Özləri də o adları yaxşı bilirlər. Videonu izlədikdən sonra Siz də onlara bir ad tapıb ürəyinizi boşaldacaqsınız...

Elməddin Muradlı