Körpəsini 50 dərəcə istidə, havasız maşında qoydu - VİDEO

50 dərəcəyə yaxın istidə avtomobilin mühərrikini söndürüb, körpə uşağı maşında unutdu. Avtosfer.az atv.az-a istinadən xəbər verir ki, Malayziyada bir ananın məsuliyyətsizliyi az qala azyaşlı uşağının ölümünə səbəb olacaqdı. Şah Aləm şəhərində baş verən olay zamanı körpənin imdadına yoldan keçənlər yetişib.

Sakinlər yolda mühərriki işlək vəziyyətdə olmayan avtomobildə uşaq olduğunu görən kimi pəncərini sındıraraq uşağı istidən qovrulmaqdan xilas edə biliblər.

Uşağın anasının sözlərinə görə iş üçün tələsdiyindən, avtomobilin mühərrikini söndürərkən, arxada uşağın olduğunu unudub.  Mühərrik söndürüldüyündən kondisioner də dərhal dayanıb. 20 dəqiqə qızmar havada qapalı maşının içində qalan uşağın həyatı üçün də təhlükə yaranıb.

Geri dönəndə maşının ətrafında insanların olduğunu görüb çox qorxan qadın,  baş verənlərə görə özünü günahlandırır. Səhvini etiraf edən  ana, övladını xilas edən sakinlərə təşəkkür etməyi də unutmayıb.