Olmaz olsun belə taksi – Müştərini yarıcan etdilər - VİDEO

Çox maraqlı videodur. Baxın mütləq buna. Rusiyanın Çelyabinsk şəhərində belə bir gizli çəkiliş həyata keçiriblər. Avtosfer.az xəbər verir ki, taksi şirkətlərindən biri öz müştəriləri ilə zarafat edib. Taksiyə və müxtəlif məkanlara gizli kameralar quraşdırılıb. Sərnişinlərə isə bildirilir ki, yolboyu 3 səyahət növündən birini seçməlisiniz: Romantik, sürətli və macəra. Müxtəlif sərnişinlərdən hərəsi bir variantı seçir.

- "Romantik" səyahəti seçən xanımı az sonra işıqfor fasiləsində yolun ortasında içki süfrəsinə dəvət edirlər. Qız gördüklərinə inana bilmir. Onları hətta skripka ifası da müşayiət edir.

- "Sürətli" səyahəti seçən adam özünü bir anlıq ralli yarışlarında hiss edir.

- Ən dramatik səyahət isə "macəra" variantındadır. Sərnişin gözlənilmədən silahlı hücuma məruz qalır. O, böyük qorxu altında sürücü ilə birgə qaçmağa başlayır. Nəhayət, sonda düz gəlib çəkiliş qrupunun otağına çıxanda məlum olur ki, bu, sadəcə, kamera zarafatı imiş.

Nə demək olar? Siz olsaydınız hansını seçərdiniz? Bizdə bunu etmək mümkündürmü?

Fidan