Avtosfer.az | Reklam
100 yaşlı sürücü 95 yaşlı sərnişini ilə qəza törətdi; polislər şok oldu - FOTO
Avtosfer Foto 11 Sentyabr 2020 12:00 Oxunub 1046
100 yaşlı sürücü 95 yaşlı sərnişini ilə qəza törətdi;  polislər şok oldu - FOTO

Polşanın Olsztyn şəhərində 100 yaşlı sürücü qəza törədib. Avtosfer.az xəbər verir ki, hadisə Zator yaşayış məntəqəsi ərazisində qeydə alınıb.

Məlumata görə, polis qəza ilə bağlı aldığı məlumat əsasında qəza yerinə gedib. Bu zaman bir vaxtlar ölkədə orta nəsil üçün istehsal edilən “Polonez” markalı avtomobillə qəza törədən sürücünün 100 yaşı olduğu məlum olub.

Polislər, yaşlı sürücünün digər hərəkət iştirakçısına yol verməyərək qayda pozduğunu və qəza zamanı onun yanında 95 yaşlı bir qadın sərnişinin də olduğunu müəyyən edib.

Bildirilir ki, qəza zamanı ölən və xəsarət alan olmayıb, ancaq avtomobillərə zərər dəyib.

Polis, qayda pozan yaşlının, sağlamlıq vəziyyəti və yaşına görə psixomotor bacarıqlarında məhdudiyyət olduğu səbəbi ilə sürücülük vəsiqəsini əlindən alıb.

68 ildir sürücülük hüququna malik olan 100 yaşlı kişi, indi sürücülük vəsiqəsinə qovuşmaq üçün məhkəmənin qərarını gözləyir.

 

Namiq Musayev

 

ŞƏRH YAZ
Ad

E-mail

Şərh