Avtomobil traktorla toqquşdu; 3-ü ağır, 8 yaralı - FOTO

Türkiyənin Cankırı əyalətində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə “Ankara-Çankırı” avtomagistralının Tüney kəndi ərazisindən keçən hissəsində qeydə alınıb.

“İHA” agentliyinin məlumatına görə, 38 yaşlı Ləman Ç.-nin idarə etdiyi 26 EP 477 qeydiyyat nömrə nişanlı minik avtomobili, eyni istiqamətdə hərəkətdə olan 61 yaşlı Mustafa Ş.-nin idarə etdiyi 06 BAG 404 qeydiyyat nömrə nişanlı traktorla toqquşub. Zərbənin şiddətindən traktor aşıb, minik avtomobilinin ön hissəsi isə deformasiyaya uğrayıb.

Qəza nəticəsində 8 nəfər müxtəlif dərəcəli bədən xəsarətləri ilə, hadisə yerinə cəlb olunan təcili tibbi yardım briqadasının köməkliyi ilə xəstəxanaya çatdırılıb. Yaralılardan 3-ün vəziyyətinin ağır olduğu bildirilib.

Faktla bağlı araşdırmalara başlanılıb.

Namiq Musayev