Baş prokuror “Jeep” ilə ceyran vurduğunu zənn etdi, amma... - FOTO

ABŞ-ın Cənubi Dakota ştatının baş prokuroru Ceyson Ravnsborq, “Jeep” markalı avtomobili ilə ceyran vurduğu barədə dairə şerifinə bildirib. Avtosfer.az-ın “Politico” nəşrinə istinadən verdiyi məlumata görə, ertəsi gün müəyyən olub ki, prokurorun vurduğu ceyran yox, 55 yaşlı piyada kişi olub.

“Associated Press” agentliyinin yaydığı xəbərə görə, Ceyson Ravnsborq sentyabrın 12-də axşam saatlarında respublikaçıların təşkil etdiyi yığıncaqdan evə qayıdırmış.

Ştatın senatoru Brok Qrinfild isə qeyd edib ki, baş prokuror tədbirdə alkoqolu içki içməyib.

Onun sözlərinə görə, o, Ravnsborqun yalnız qazlı su içdiyini görüb.  

Hazırda hüquq-mühafizə orqanları hadisənin baş vermə səbəblərini araşdırır.

Namiq Musayev