Dustaq daşıyan maşın aşdı; 1-i ağır, 6 yaralı - FOTO

Rusiyanın Krasnoyarsk bölgəsində dustaq daşıyan maşının iştirakı ilə yol qəzası baş verib. Avtosfer.az xəbər verir ki, hadisə aprelin 14-də Norilsk-Alıkel trasının 27-ci kilometrliyində qeydə alınıb.

Məlumata görə, Fedral xidmətə məxsus dustaq daşıyan maşın, yolun buzlu və sürüşkən olması səbəbindən sürücünün idarəetməsindən çıxaraq yol kənarına aşıb.

Qəza nəticəsində 6-sı dustaq olmaqla, ümumilikdə 7 nəfər xəsarət alıb. Yaralılar, hadisə yerinə cəlb edilmiş təcili tibbi yardım briqadasının köməkliyi ilə xəstəxanaya çatdırılıblar. Dustaqlardan birinin vəziyyətinin ağır olduğu bildirilib.

Faktla əlaqədar araşdırma aparılır.

Namiq Musayev