Fərhad Əhmədov şəhid polkovniklə görüşündən yazdı - FOTO

Avtosfer Foto 24 Noyabr 2020 16:19 Oxunub 4684
Fərhad Əhmədov şəhid polkovniklə görüşündən yazdı - FOTO
WhatsApp kanalımıza abunə ola bilərsiniz

Rusiyada yaşayan azərbaycanlı iş adamı Fərhad Əhmədov ötən gün minaya düşərək şəhid olan polkovnik Babək Səmidli ilə bağlı xatirələrini bölüşüb. “Qafqazinfo” xəbər verir ki, feysbuk hesabında şəhid polkovnikin yer aldığı görüntüləri paylaşan biznesmen bu fikirləri qeyd edib: “Bu gün artıq dinc Qarabağdan kədərli xəbər gəldi. Cəsarətli və yaraşıqlı bir insan, əsl müharibə qəhrəmanı polkovnik Səmidli Babək mina partlaması nəticəsində həlak olub. Rusiya sülhməramlı zabiti daxil olmaqla, eyni minaya düşmə nəticəsində daha beş nəfər yaralanıb.

Polkovnik Babəklə tanış idik, müharibə bitdikdən sonra Qarabağda tanış olmuşduq.

Müharibəni birinci günündən son gününə qədər keçmiş, ağır əlbəyaxa döyüşlərlə Şuşanı alan bu adam o zaman məndə dərin təəssürat yaratmışdı.

İndi iki hissim var.

Gözəl bir insanın yersiz ölümü səbəbiylə yaranmış təəssüf, hansı ki, müharibəni keçmiş və qalib gəlmişdi, ancaq müharibənin əks-sədası onu sülh dövründə yaxaladı.

İkinci hiss isə qəzəbdir.


İşğalçılar nəinki vətənimizin torpaqlarını məhv və talan ediblər, geri çəkildikdə belə ölüm səpirlər. Utanc.

Qəhrəman polkovnik daima qəlbimizdə yaşayacaqdır”.

ŞƏRH YAZ
Ad

E-mail

Şərh