Gəncədə yük maşını ikiyə bölündü - ağır yaralılar var - FOTO

Gəncə şəhərində ağır yol-nəqliyyat hadisəsi baş verib. Avtosfer.az Unikal.org-a istinadən xəbər verir ki, qəza “Nizami” məqbərəsinin yaxınlığında qeydə alınıb. Belə ki, “İsuzu” markalı yük avtomobilin sürücüsü idarəetməni itirərək nəqliyyat vasitəsini keçidin beton araskəsməsinə çırpıb.  Qəza nəticəsində maşın iki yerə bölünüb, 2 nəfər ağır bədən xəsarətləri alıb. Xəsarət alanlar xəstəxanaya yerləşdiriliblər.

Faktla bağlı araşdırma aparılır.