Hidrotəyyarə beton körpüyə çırpıldı; 1 ölü, 3 yaralı - FOTO

ABŞ-ın Nyu-York şəhərində hidrotəyyarə qəzaya uğrayıb. Avtosfer.az xəbər verir ki, hadisə Lonq-Aylend boğazında qeydə alınıb. Bu barədə şəhər yanğınsöndürmə xidmətindən bildirilib.

Məlumata görə, göyərtəsində 3 nəfərin olduğu təyyarə suya eniş edən zaman, hələlik məlum olmayan səbəblərdən beton körpüyə çırpılıb. Zərbənin təsirindən təyyarənin qalıqları ətrafa səpələnib.

Qeyd edilir ki, qəza nəticəsində 1 sərnişin ölüb, 2 nəfər (pilot və sərnişin) ağır xəsarətlər alıb,  daha bir nəfər isə, qəzadan sonra suda boğulmaq təhlükəsi ilə üz-üzə qalan pilot və sərnişini xilas edərkən yaralanıb.

Faktla əlaqədar ABŞ Milli Nəqliyyat Təhlükəsizliyi Şurası tərəfindən istintaqa başlanılıb.

Namiq Musayev