Hörümçəklə "dalaşan" sürücü avtomobilini yol nişanına çırpdı - FOTO

Britaniyada hörümçək yol-nəqliyyat hadisəsinə səbəb olub. Avtosfer.az xəbər verir ki, hadisə ölkənin cənubunda yerləşən Uayt adası sahillərinə baş verib. Bu barədə yerli polis öz “Facebook” səhifəsində məlumat yayıb.

Məlumata görə, “Kia Rio” markalı avtomobilin sürücüsü, hərəkətdə olan zaman salonda hörümçək görüb. Çağırılmamış qonağı qovmağa çalışan sürücünün diqqəti bir anlıq yayınıb və hərəkət zolağından çıxaraq təhlükəsizlik adacığında yerləşən yol nişanına çırpılıb.

Zərbənin təsirindən avtomobilin ön hissəsi deformasiyaya uğrayıb.

Qəza nəticəsində sürücü yüngül xəsarətlər alıb.

Namiq Musayev