Minik avtomobili yarıya kimi TIR-ın altına girdi; 3 ölü, 2 yaralı - FOTO

Türkiyənin Gaziantep vilayətində iki nəqliyyat vasitəsinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə “Nurdağı-Gaziantep” avtomagistralının  15-ci kilometrliyində qeydə alınıb.

Məlumata görə, Adanadan Gaziantep istiqamətində hərəkətdə olan Suriya vətəndaşı 26 yaşlı Amer Dendel, idarə etdiyi 34 SP 2273 qeydiyyat nömrə nişanlı “Dacia” markalı avtomobilin sükan idarəetməsini itirərək, qarşıda irəliləyən Ömər Ç.-nin (37) idarə etdiyi 31 NB 048 qeydiyyat nömrə nişanlı TIR-a arxadan çırpılıb.

Zərbənin şiddətindən minik avtomobili yarıya kimi yük maşınının altına girib.

Qəza nəticəsində 3 nəfər ölüb, 2 nəfər isə xəsarət alıb.

Yaralılar, hadisə yerinə çağırılan təcili tibbi yardım briqadasının köməkliyi ilə xəstəxanaya çatdırılıblar.

Faktla əlaqədar araşdırma aparılır.

Namiq Musayev