Reys avtobusu qəzaya uğradı; 30 nəfər xəsarət aldı - FOTO

Türkiyənin Afyonkarahisar vilayətində reys avtobusunun iştirakı ilə ağır yol qəzası baş verib. Avtosfer.az DHA-ya istinadən xəbər verir ki, hadisə avqustun 19-da yerli saatla səhər 04:00 radələrində Afyonkarahisar – Antalya avtomagistralının 50-ci kilometrliyində qeydə alınıb.

Məlumata görə, Alanya - Bursa reysini həyata keçirən, Ziya Karamürsəlin idarə etdiyi 35 PK 367 qeydiyyat nömrə nişanlı sərnişin avtobusu, sürücünün idarəetməsindən çıxaraq yol kənarına düşüb.

Qəza nəticəsində xəsarət alan 30 nəfər, hadisə yerinə çağırılan təcili tibbi yardım briqadasının köməkliyi ilə Sandıklı Dövlət Xəstəxanasına çatdırılıblar.

Faktla bağlı araşdırma aparılır.

Namiq Musayev