Rok ulduzu “Ferrari”sini 1 milyon 805 minə satır - FOTOlar

Britaniyanın rok ulduzu Erik Klepton “Ferrari 599 GTB” supercarını satışa çıxarıb. Avtosfer.az xəbər verir ki, avtomobil 2007-ci il istehsalıdır, onun qiyməti 89 900 funt sterlinqdir (1,805,462 manat). Bu barədə “GVE London” məlumat yayıb.

Bildirilir ki, 75 yaşlı gitaraçı-kompozitorun avtomobili cəmi 38 min kilometr sürülüb, “Ferrari” əla vəziyyətdədir. Kapotun altında 620 at gücündə 5999 kub santimetr həcmli V12  mühərriki yerləşir. Erik Klepton “Ferrari” kolleksiyaçısıdır və 10-na yaxın İtaliyan markasından varıdır.

Qeyd edilir ki, musiqiçi bundan əvvəl də, “Lamborghini Gallardo Superleggera”nı 125 min funt sterlinqə (2,510,375 manat) satıb.

Namiq Musayev