Sərxoş sürücü 1 təkəri olmayan “Range Rover”lə polisdən qaçmağa çalışdı - FOTO 
Avtosfer Foto 21 Avqust 2020 19:31 Oxunub 3586
Sərxoş sürücü 1 təkəri olmayan “Range Rover”lə polisdən qaçmağa çalışdı - FOTO 

İngiltərədə polis, təkərinin biri olmayan avtomobillə təqibdən qaçan sərxoş sürücünü saxlayıb.

Avtosfer.az xəbər verir ki, hadisə Şropşir qraflığında qeydə alınıb.

Məlumata görə, polisin təqibindən yayınmağa çalışan sərxoş sürücü, sürətlə idarə etdiyi “Range Rover Sport” markalı avtomobili arakəsməyə çırparaq sol ön təkərini itirib. Bir müddət davam edən qaçdı-qovdu, qayda pozucunun təslim olması ilə sona çatıb.

Bildirilir ki, daha sonra patrul əməkdaşları, “Range Rover”in itmiş təkərini, avtomobilin olduğu yerdən 1,5 kilometr uzaqda tapıblar.

Avtomobilinin üzərində, “Sərxoş deyiləm, yalnız çuxurlardan qaçıram” sözləri yazılan sürücü, hadisə ilə bağlı danışmaqdan imtina edib.

Hazırda o, sərxoş vəziyyətdə avtomobil idarə etdiyinə görə, həbs olunub.

 

Namiq Musayev

 

ŞƏRH YAZ
Ad

E-mail

Şərh