Sürücü ədəbsiz hərəkətinə görə 3030 manat cərimələndi - FOTO

Almaniyada sürücü ədəbsiz jestinə görə 1500 avro (3030 manat) cərimələnib. Avtosfer.az xəbər verir ki, 26 yaşlı “BMW X5” markalı avtomobilin sürücüsü 70-lik yolda 81-lə radara düşüb və o, yol kənarında quraşdırılmış avtomatik sürət kompleksinə orta barmağını göstərib.  

Yuxarı Frankoniya polisinin rəsmi “Facebook” səhifəsində dərc etdiyi məlumatda bildirilir ki, normal vəziyyətdə ona 20 avro cərimə tətbiq ediləcəkdi, ancaq sürücünün bu ədəbsizliyi yerli hökumətin xoşuna gəlməyib və məbləğ 75 dəfə artırılıb. 

Bundan əlavə, o, 1 aylıq sürücülük vəsiqəsindən də məhrum edilib.

Namiq Musayev