“Toyota” yük maşını ilə toqquşdu; 4 ölü, 3 yaralı - FOTO

Rusiyanın Xabarovsk bölgəsində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə avqustun 17-də səhər saatlarında “Xabarovsk – Komsomol-na- Amur” Federal avtomagistralının 64-cü kilometrliyində qeydə alınıb. 

Məlumata görə, “Toyota Hiace” markalı mikroavtobus, əks zolaqdan gələn “Hino” markalı yük maşını ilə toqquşub. Zərbənin təsirindən mikroavtobus deformasiyaya uğrayıb.

Qəza nəticəsində 4 nəfər ölüb, 3 nəfər isə xəsarət alıb. Yaralılar, təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırmalara başlanılıb.

Namiq Musayev