Yasa gedənləri aparan “Mercedes” aşdı; 13 nəfər xəsarət aldı - FOTO

Türkiyənin Bolu vilayətində mikroavtobusun iştirakı ilə yol-nəqliyyat hadisəsi baş verib. Avtosfer.az DHA-ya istinadən xəbər verir ki, hadisə avqustun 17-də yerli saatla 04.30 radələrində Çaydurt istiqamətində qeydə alınıb.

Məlumata görə, İstanbuldan Siirtə yasa gedənlərin içində olduğu, 41 yaşlı Şəmsəddin Kumekin idarə etdiyi 34 LME 964 qeydiyyat nömrə nişanlı “Mercedes” markalı mikroavtobusla, hərəkətdə olan zaman təkəri partlayıb. Bundan sonra idarəetmədən çıxan “Mercedes” aşıb.

Qəza nəticəsində 13 nəfər müxtəlif dərəcəli bədən xəsarətləri ilə, hadisə yerinə çağırılan ambulanslarla xəstəxanaya çatdırılıblar. Palatalara yerləşdirilən yaralıların səhhətinin normal olduğu bildirilib.

Faktla bağlı araşdırma aparılır.

Namiq Musayev