Yüksək sürət faciəyə səbəb oldu; maşın öncə dirəyə, daha sonra isə reklam lövhəsinə çırpılıb - FOTO

Türkiyənin İstanbul şəhərində minik avtomobilinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə sentyabrın 25-də Bakırköy rayonunda qeydə alınıb.

Məlumata görə, Tamer Ünver sürətlə idarə etdiyi 34 TA 8881 qeydiyyat nömrə nişanlı minik avtomobillə, hərəkətdə olarkən sükan idarəetməsini itirib və yoldan çıxaraq əvvəlcə işıqlandırma dirəyinə, daha sonra isə reklam lövhəsinə çırpılıb.

Zərbənin şiddətindən minik avtomobili deformasiyaya uğrayıb, işıqlandırma dirəyi isə yolun hərəkət hissəsinə aşıb.

Qəza nəticəsində sürücü aldığı xəsarətlərdən aparıldığı xəstəxanada dünyasını dəyişib.

Polis faktla bağlı araşdırma aparır.

Namiq Musayev