Azərbaycanlıların toy karvanı Rusiyada səs-küy saldı – 5 nəfər tutuldu - VİDEO

Rusiyanın Krasnoyarsk vilayətində bahalı maşınlardan ibarət kortej Nikolayev körpüsünü tutub. Avtosfer.az xəbər verir ki, sosial şəbəkələrdə yayılan videoya gələn şərhlərdən belə başa düşmək olar ki, bu, toy karvanıdır. Azərbaycanlı bəyin həmyerliləri və dağıstanlı dostları toy karvanında elə hərəkətlərə yol veriblər ki, bu hadisə bütün Krasnoyarsk vilayətinə səs-küy salıb. Belə ki, toy karvanı körpüdə dayanaraq bütün hərəkəti məhdudlaışdırıb. Öndə gedən bir “Lexus” qarşıya keçib və geriyə sürərək kortejin önünə düşüb. Digər avtomobillər isə asta sürətlə onu izləyib. “Lexus”un lyukundan çəkiliş edildiyi görünür. Yalnız bundan sonra yolda hərəkət davam edir və digər maşınlar onları ötüb keçir.
Toy karvanında “BMW”, “Porcshe”, “Lexux” və “Mercedes” markalı avtomobillər iştirak edib. Təxminən bir neçə dəqiqə sonra Krasnoyarsk vilayətinin Yol Polisi Alayının əməkdaşları toy karvanını saxlayaraq xuliqanlıq edənləri cərimə edib. Qayda pozuntusuna görə 5 sürücü saxlanılıb. Onların hər birinə 5 min rubl (125 manat), ümumilikdə 25 min rubl (630 manat) cərimə yazılıb. Polis Alayında dindirilən sürücülər əməllərindən peşman olduqlarını bildirsələr də, hazırda bu hadisə Krasnoyarsk vilayətində geniş rezonans doğurub və yerli sakinlər qafqazlılalara, xüsusən də azərbaycanlılara ikrah hissi ilə yanaşır, mənfi fikirlər səsləndirirlər.

Elmin