Bir dəqiqədə üç dəfə qəza təhlükəsi yaradan sürücü - 77-RN-664 - VİDEO

Paytaxtın Nərimanov rayonu, Təbriz küçəsində yol-hərəkəti qaydalarını kobud şəkildə pozan sürücü avtomobilin kamerasına düşüb.

Avtosfer.az-ın məlumatına görə, hadisə yanvarın 9-da saat 07:51 radələrində qeydə alınıb. Belə ki, 77-RN-664 dövlət nömrə nişanlı “KIA” markalı avtomobilin sürücüsü hərəkət zamanı dəfələrlə təhlükəli manevrlərə yol verib.

Kadrlardan göründüyü kimi, sürücü solda hərəkətdə olan nəqliyyat vasitəsinə məhəl qoymadan həmin zolağa daxil olub. Ardınca isə sağ zolaqda irəliləyən avtomobilə yol vermədən istiqamətini dəyişərək qəza şəraiti yaradıb.

Təhlükəli davranış bununla da yekunlaşmayıb. Sürücü piyada keçidindən keçən şəxsə üstünlük tanımadan hərəkətini davam etdirib və piyadanın həyatını real təhlükə altına atıb.

Qeyd edək ki, bu cür məsuliyyətsiz davranışlar təkcə sürücülər üçün deyil, yol hərəkətinin bütün iştirakçıları üçün ciddi risk yaradır. Unutmaq olmaz ki, sükan arxasında verilən hər yanlış qərar geri dönməz nəticələrə səbəb ola bilər.

Nərmin