Toy karvanında avtoxuliqanlıq edən sürücü “VAZ”ı lövhəyə vurub aşırdı - VİDEO

Gəncədə toy karvanında avtoxuliqanlıq edən sürücü qəza törədib.
Avtosfer.az-ın məlumatına görə, bu barədə görüntü sosial şəbəkədə geniş yayılıb. Hərəkətdə olan 10-UJ-896 dövlət nömrə nişanlı “VAZ-2106” markalı avtomobilin sürücüsü təhlükəli manevrlər edib. Belə ki,  anidən sağa manevr edən sürücü idarəetməni itirir və yol kənarındakı reklam lövhəsinə dəyərək aşır. Hadisə zamanı sürücü ağır xəsarət almasa da, nəqliyyat vasitəsinə ciddi maddi ziyan dəyib.
Təəssüf ki, toy korteclərində “avtoşluq şou”su göstərən sürücülərə tez-tez rast gəlirik. Təbii ki, bu, ağır qəzalara səbəb ola bilir. Buna baxmayaraq bu əməli “qəhrəmanlıq” kimi dəyərləndirənlər kifayət qədərdir. 

Nərmin