Yük maşını TIR-la toqquşdu: 2 nəfər xəsarət alıb – DƏHŞƏTLİ GÖRÜNTÜLƏR

Türkiyənin Malatya əyalətində 2 nəfərin yaralanması ilə nəticələnən ağır yol qəzası baş verib. Avtosfer.az İHA-ya istinadən xəbər verir ki, Malatya-Kayseri magistralında, yolun buz bağlaması səbəbi ilə yük maşını sürüşərək qarşı yola çıxıb və TIR-la toqquşub. Toqquşmanın gücündən təhlükəsizlik kəməri taxılı olan sürücü yük maşınında sıxılmış vəziyyətdə qalıb.

Təhlükəsizlik kəmərindən istifadə etmədiyi təxmin edilən TIR sürücüsü isə maşının ön hissəsindən uçaraq yola düşüb. Üz üstə buzlu yola çırpılan və üzü nahiyyəsi qanlar içində olan sürücü bir müddət hərəkətsiz vəziyyətdə yerdə qalıb.

Çevrədəki vətəndaşların çağrısı ilə əraziyə tibb, polis və xilasetmə briqadaları çağırılıb.

Yaralılar hadisə yerinə gələn Təcili Tibbi Yardım maşınları ilə xəstəxanaya aparılıblar.

Qəza ilə bağlı araşdırma aparılır.

Namiq