Avtomobildə "şatunun" konstruksiyası dəyişir – 160 il sonra - VİDEO

İstər 1860-cı ildə Lenuarın, istərsə də 2 sonra Nikolaus Ottonun hazırladığı 2 və 4 taktlı mühərriklərin vacib detalı olan sürgü qolunun (danışıq dilində şatun) konstruksiyası dəyişməyib. Detalın böyük (aşağı) hissəsi dirsəkli vala, kiçik hissəsi isə porşen barmaqlığına (oxuna) bərkidilir. Sürgü qolunun funksiyası porşenin irəli-geri hərəkətini dirsəkli vala ötürməkdir. Prinsip dəyişmədiyi kimi detalın quruluşu da sabit qalıb.

Avtosfer.az xəbər verir ki, ABŞ-ın nevada ştatından olan ixtiraçılar sürgü qolunu təkmilləşdirmək üzərində baş sındırırlar. Bu məqsədlə onlar sürgü qolunun yuxarı hissəsinə daha bir oynaq əlavə ediblər. 160 ildir vahid detal olan sürgü qolu indi 2 detaldan ibrət olub. Bu da sürgü qolunun daha tez və az vibrasiya ilə hərəkətinə imkan verir. Nəticədə mühərrikin dinamik kompressiyası 30%-dək artır.

Bu da daha az yanacaq sərfiyyatına və keyfiyyətli yanmaya gətirib çıxarır. 
Ekspertlərin fikrincə nevadalıların ideyası maraqlı olsa da, hələ ki, laboratoriyada və konkret avtomobil üzərində sınaqdan çıxarılmayıb.

Vüqar