Başqasının cərimələri adına gələn sürücünün problemi həll edilib - DYP-dən AÇIQLAMA

Dünən Avtosfer.az saytında avtomobilinin nömrəsini dəyişməklə ünvanına göndərilməli olan cərimə və protokolların başqa vətəndaşın adına tərtib edilməsinə “nail olan” sürücü ilə bağlı xəbər  yayımlamışdıq. Belə ki, qayda pozmadığı halda cərimələnən sürücü redaksiyamızın qaynar xəttinə müraciət ünvanlamışdı. Avtosfer.az-a məlumat verən Əhəd Məmmədov adlı sürücü deyib ki, ona məxsus 77-DE-821 qeydiyyat nişanlı "KIA" markalı avtomobillə qayda pozmadığı halda barəsində elektron qərarlar tərtib olunub. 

Məsələ ilə əlaqədar Baş Dövlət Yol Polisi İdarəsinin inspektoru polis leytenantı Elvin Hacıyev saytımıza açıqlama verib.  Bildirib ki, sözügedən nəqliyyat vasitəsinin sürücüsü tərəfindəmn yol verilən qayda pozuntusu foto və video-qeydiyyat funksiyasına malik xüsusi texniki vasitənin köməkliyi ilə aşkar edilərkən şəxs barəsində yanlış elektron qərar çıxarılıb. Məsələ tərəfimizdən araşdırılaraq texniki xəta aradan qaldırılıb.

Səfər