Bu funksiya deaktiv edilərsə avtomobilin zəmanəti ləğv oluna, sığorta ödənilməyə bilər

Avtomobillərin yanacağa qənaət etməsi və son nəticədə ekologiyaya az ziyan vurması üçün konstruktorlar müxtəlif üsullara əl atırlar. Onlardan biri də əsasən benzin mühərrikli avtomobillərdə quraşdırılan Start&Stop sistemidir.

Avtosfer.az xəbər verir ki, bu sistem sayəsində yanacağa bir neçə fazi qənaət etmək mümkün olur. Dəqiq ölçmələr zamanı sistemin tətbiqi sayəsində atmosferə atılan qazların azaldığını görmək mümkündür.

Lakin sürücülərin əksəriyyəti bu avadanlıqdan narazıdır. Səbəb də bəllidir: akkumulyator və starter tez sıradan çıxır, nazimçarxın tacı tez yeyilir və s. Bir sözlə, yanacağa edilən cüzi qənaətin əvəzində bahalı starter və nazimçarx almaz lazım gəlir. Bu səbəbdən sürücülərin çoxu Start&Stop sistemini deaktiv edir. Lakin indi vəziyyət dəyişir.

Avropa ölkələrində yaxın vaxtlarda texniki baxış zamanı bu sistemin işlək olub olmadığı da yoxlanılacaq. Bəzi avtomobil şirkətləri isə sistemi deaktiv edən sürücülər üçün zəmanəti ləğv etməyə başlayıb. Almaniyada isə, sistemin daim deaktiv edildiyi sübut olunarsa, sığorta şirkəti qəza zamanı kompensasiyadan imtina edə bilər.

Ümumi rəy belədir ki, ekologiyanın sağlamlaşdırılması üçün tətbiq edilən avadanlıq şəxsi mülahizə ilə işdən ayrıla bilməz.

Vüqar